ద్విపదభాగవతం - మధురకాండ : ముచికుందుఁడు శ్రీకృష్ణునిఁ గాంచుట
ధరణీశవర్యుఁ డంతట లేచివచ్చి
జలజాక్షు దేహ తేజస్ఫూర్తి బిలము
వెలుఁగొంది చీఁకటి విఱియుటఁ జూచె
ఆయతాంబుజనేత్రు నతిదీర్ఘబాహు
తోయదనీలాంగు తుహినాంశువదను - 630
గనకపీతాంబరుఁ గౌస్తుభోద్భాసి
వనమాలితోరస్కు వారిజనాభు
మకరకుండలదివ్యమకుటకేయూరు
వికసితాలంకారు విష్ణునిఁ గాంచి
వెఱఁగంది యందంద వెఱచి గోవిందు
నెఱుఁగక ముచికుందుఁడిట్లని పలికె.
“హరివహ్ని శశిభానులం దొక్కదివ్య
పురుషుఁడవో? కాక భువినిట్టి తేజ
మెవ్వరికున్న దిందేల విచ్చేసి
తెవ్వరు నీ నామ మెఱిఁగింపు” మనిన.